Wenyeviti na wajumbe walioshinda uchaguzi wa serikali za Mitaa waapa viapo vya uadilifu na uaminifu.

Imechapishwa: November 28th, 2024

Wenyeviti na wajumbe wa kamati za Mitaa, vijiji,na vitongoji kundi mchanganyiko na kundi la Wanawake katika Halmashauri ya Mji wa Babati walioshinda kwenye Uchaguzi wa Serikali za mitaa uliofanyika Novemba 27/11/2024 wameapishwa rasmi kwa ajili ya kutekeleza majukumu yao.

Uapisho huo umefanyika tarehe 28/112024 katika Halmashauri ya Mji wa Babati mbele ya hakimu mkazi mwandamizi Jumaa Mwangome Mwambago.

Msimamizi wa Uchaguzi CPA. Shaaban Mpendu amewapongeza kwa kuaminiwa na Wananchi, na amewataka wakawatumikie Wananchi kwa uaminifu na uadilifu kwa kuwa ndio kazi ya Uongozi,

“Hongereni sana kwa kuteuliwa mkawasaidie Wananchi kupata maendeleo”alisema Mpendu.