Kibali cha Ujenzi

IDARA YA UJENZI

VIBALI VYA UJENZI

       1. KIBALI CHA UJENZI

Kilingana na sheria ya ujenzi wa majengo mijini si ruhusa kwa mtu yeyote kujenga au kuanza kujenga jengo bila ya:-

• Kutuma maombi kwa mamlaka ya mji
• Kuwasilisha michoro ya jengo na kumbukumbu husika
• Kupata kibali kwa maandishi kinachoitwa kibali cha ujenzi

      2. KIBALI CHA AWALI (planning consent)

   Inashauriwa kupata kibali cha awali kabla ya kuomba kibali cha ujenzi. Hivyo muendelezaji anatakiwa aandae mchoro wa awali (outline plan)  kwa utaratibu unaotakiwa         ukionesha aina ya ujenzi.

      3. JINSI YA KUWASILISHA MAOMBI YA KIBALI CHA UJENZI

• Baada ya michoro kukamilika iwasilishwe ikiwa kwenye majalada kwa namna ambayo inaweza kufunguliwa na kusomeka. Michoro hiyo iwasilishwe kwa utaratibu ufuatao:-
• Seti tatu za michoro ya jengo (Architectural drawing)
• Seti mbili za michoro ya vyuma (Structural drawings) kwa michoro ya ghorofa.

      4.  MICHORO ILIYOANDALIWA IONYESHE NINI

• Michoro inayoandaliwa inatakiwa ionyeshe mambo yafuatayo:-
• Namna jengo litakavyokuwa (plans sections, elevations, foundation and roof plan)
• Namba na eneo la kiwanja kilipo
• Jina la mmiliki Ardhi inayohusika
• Jina la mchoraji, ujuzi na anwani
• Ukubwa wa jengo kwa mita za mraba
• Ujazo wa kiwanja ( plot coverage)
• Uwiano (plot ratio)
• Matumizi yanayokusudiwa
• Idadi ya maegesho yatakayokuwepo
• Umbali wa jengo kutoka kwenye mipaka ya kiwanja(Setback) 

      5. VIAMBATANISHO

• Fomu za maombi zilizojazwa kwa usahihi
• Hati ya umiliki kwa kiwanja au barua ya toleo
• Kumbukumbu nyingine zinazohusu kiwanja hicho kma hati ya mauzo, makabidhiano nk.
• Nakala za risiti ya kodi ya kiwanja ya sasa
• Mabadiliko ya matumizi ya ardhi kama muombaji amebadili matumizi ya awali

      6.  HATUA ZINAZOFUATWA KATIKA KUSHUGHULIKIA MAOMBI YA KIBALI

• Zifuatazo ni hatua zinazofuatwa wakati wa kuchunguza michoro hiyo:-
• Uhakiki wa mmiliki
• Kukaguliwa usanifu wa michoro
• Kukaguliwa kiwanja kinachokusudiwa kuendelezwa
• Uchunguzi wa matumizi ya jengo na uwiano
• Uchunguzi wa maofisa wa afya
• Uchunguzi wa mipango ya uondoaji maji taka