Viwanda Biashara na Uwekezaji

MAJUKUMU YA IDARA YA VIWANDA, BIASHARA NA UWEKEZAJI

Idara ya Uwekezaji, Viwanda na Biashara imeundwa kwa mujibu wa Hati idhini GN Namba 384 ya mwaka 2022. Utekelezaji wa Wizara hii inatekeleza majukumu yake ya kimuundo kwa kuzingatia maelekezo ya Viongozi Wakuu wa Serikali, sambamba na mipango mbalimbali ya kitaifa na kimataifa kama ilivyoainishwa kwenye Malengo ya Maendeleo Endelevu ya Umoja wa Mataifa (SDGs 2030); Agenda ya Afrika 2063; Dira ya Taifa ya Maendeleo 2025; Ilani ya CCM ya Uchaguzi Mkuu ya Mwaka 2020; na Mpango wa tatu wa Maendeleo wa Taifa wa Miaka Mitano 2021/22-2025/26.

Pia, katika kuchochea kasi ya ujenzi wa uchumi wa viwanda nchini, Idara kwa kushirikiana na wadau mbalimbali inaendelea kufanya mapitio ya Sera, Mikakati na Sheria za kisekta ili ziweze kuendana na mahitaji ya sasa. Sera hizo ni pamoja na Sera ya Taifa ya Uhamasishaji Uwekezaji (1996); Sera ya Maendeleo Endelevu ya Viwanda (SIDP, 1996 - 2020); Sera ya Maendeleo ya Viwanda Vidogo na Biashara Ndogo (2003); Sera ya Masoko ya Mazao ya Kilimo (2003); na Sera ya Taifa ya Biashara (2003). Zoezi hilo linakwenda sambamba na kurejea Sheria na Mikakati ya kisekta ikiwemo Mkakati wa kuendeleza zao la alizeti; Sheria ya Kujilinda dhidi ya Athari za Kibiashara (Trade Remedies Act, 2021); Sheria ya Uwekezaji (1997) na Sheria ya Ushindani (2003).

1.2 Majukumu ya Divisheni ya Viwanda, Biashara na Uwekezaji 

• Majukumu ya msingi ya Idara ya Viwanda, Biashara na Uwekezaji kwa mujibu wa muundo ni kama ifuatavyo;
• Kuratibu utekelezaji wa sera, sheria kanuni na miongozo inayohusiana na viwanda, biashara na masoko na uwekezaji
• Kupanga na kuendeleza maeneo ya uwekezaji kwa kushirikiana na wadau
• Kupanga vichocheo vya viwanda, biashara, masoko na uwekezaji
• Kuendeleza viwanda vidodovidogo
• Kuendeleza masuala ya biashara na kuzingatia utoaji wa huduma za biashara (one stop business center)
• Kufanya utafiti juu ya uwekezaji
• Kuweka mazingira mazuri ya uwekezaji
• Kuandaa makongamano ya biashara
• Kusimamia minada na shughuli za masoko
• Kuratibu masuala ya Baraza la Biashara la Wilaya

Majukumu haya yametekelezwa na kuongozwa na Sera,  sheria, kanuni na miongozo mbalimbali kama vile; Ilani ya Uchaguzi ya CCM ya mwaka 2020/2025, Mpango wa maendeleo ya Taifa 2021-2025,Dira ya Taifa ya Maendeleo endelevu ya mwaka 2030 na vipaumbele ya Halmashauri ya Mji Babati katika Mpango na bajeti ya mwaka 2024/2024.

1.3 Hali ya Watumishi

Idara ina watumishi 4 walioajiriwa (Mkuu wa Idara na maafisa Biashara watatu (3).