Kitengo cha TEHAMA

TEHAMA

Kitengo Cha Teknolojia ya Habari na Mawasiliano (TEHAMA)

Kitengo Cha Teknolojia ya Habari na Mawasiliano kina lengo la kutoa huduma za kitaalamu juu ya matumizi ya teknolojia ya habari na mawasiliano katika Halmashauri ya Mji wa Babati.

Majukumu ya Kitengo

Majukumu ya Kitengo cha Teknolojia ya Habari na Mawasiliano:

• Kutayarisha mpango Mkakati wa kuhusu teknolojia ya habari na mawasiliano, Miongozo na taratibu kwa kuzingatia Sera ya Taifa ya Teknolojia ya Habari na Mawasiliano.
• Kuishauri Menejimenti ya Halmashauri ya Mji wa Babati juu ya masuala yanayohusiana na sera zinazohusiana na teknolojia ya habari na mawasiliano na utekelezaji wa dhana ya serikali mtandao.
• Kuishauri Menejimenti ya Halmashauri ya Mji wa Babati  juu ya masuala yanayohusiana na sera, miongozo na taratibu zinazohusiana na takwimu.
• Kusimamia maendeleo ya teknolojia ya habari na mawasiliano na utekelezaji wake kwa ajili ya Halmashauri ya Mji wa Babati.
• Kushirikiana na OWM-TAMISEMI kuratibu na kuendeleza viwango vya teknolojia ya habari na mawasiliano kwa ajili ya “software na hardware” kwa matumizi ya Halmashauri ya Mji wa Babati.
• Kushauri Halmashauri ya Mji wa Babati katika kuendeleza na kutekeleza  mipango/miradi ya teknolojia ya habari na mawasiliano.
• Kuratibu utekelezaji wa usanifu na kutunza/kuiendeleza matumizi yanayohusiana na Tovuti na utunzaji wa kumbukumbu kwa ajili ya Halmashauri ya Mji wa Babati.
• Kutoa na kuratibu msaada wa teknolojia ya habari katiaka Halmashauri ya Mji wa Babati na Mamlaka za Serikali za Mitaa.
• Kutathimini, kuboresha na kusimamia teknolojia ya habari na mawasiliano na usimamizi wa mifumo ya taarifa/habari iliyosimikwa/iliyowekwa katika Halmashauri ya Mji wa Babati.
• Kufanya tathimini ya mahitaji ya mafunzo juu ya usimamizi wa mifumo ya taarifa na teknolojia ya habari na mawasiliano na kuandaa mpango wa kujenga uwezo
• Kufanya tathimini ya hatari/hasara zinazohusiana na miundombinu ya teknolojia ya habari na mawasiliano na mfumo wa usimamizi wa taarifa na namna ya kuthibiti.
• Kuendeleza na kutunza Tovuti ya Halmashauri ya Mji wa Babati.

Teknolojia ya Habari na Mawasiliano (TEHAMA) ni nyenzo muhimu, ambayo mchango wake ni mkubwa katika kuharakisha kufikiwa kwa Malengo ya Milenia ifikapo mwaka 2025. Kukua kwa teknolojia katika Halmashauri ya Mji wa Babati , kuna mchango muhimu katika kuhakikisha kuwa wananchi wanapata taarifa kuhusu shughuli mbalimbali za utawala, sera na mipango kwa wakati mwafaka, hivyo kuwashirikisha wananchi moja kwa moja katika maamuzi yanayoathiri maisha yao. TEHAMA inatumika kila mahali na katika utoaji wa huduma za aina yoyote ile ikiwemo Elimu (Distant Learning, eLibrary), matibabu (telemedine), biashara (eCommerce, eBanking, nk),Ukusanyaji wa mapato, uongozi/utawala (eGovernace) n.k.
 
Kutokana na kuingia kwa utandawazi, dunia sasa imekuwa kama kijiji kimoja tena kidogo sana, kwani mawasiliano yamekuwa yakiboreshwa siku hadi siku na kuwa rahisi.