Wawezeshaji wa Kamati ya Afya Mkoa(RCHMT) wametoa Elimu ya Bima ya Afya kwa wote katika Halmashauri ya Mji wa Babati.

Imechapishwa: January 15th, 2026

Wawezeshaji wa Kamati ya Afya Mkoa(RCHMT) wametoa Elimu ya Bima ya Afya kwa wote katika Halmashauri ya Mji wa Babati.

Wawezeshaji Mkoa wa Manyara wametoa elimu ya Bima ya Afya kwa Wote katika Halmashauri ya Mji wa Babati, ikiwa ni sehemu ya maandalizi ya utekelezaji wa mpango wa kitaifa wa kuhakikisha kila Mtanzania anapata huduma bora za Afya.

Bima ya Afya kwa Wote itakuwa ya lazima na utekelezaji wake utaanza kwa kaya zisizo na uwezo ambazo zitalipiwa na Serikali. Serikali tayari imeanza kukusanya fedha kwa ajili ya kugharamia kaya hizo wakati mchakato wa kuwafikia wananchi wote ukiendelea.

Mchango utakuwa ni shilingi 150,000 kwa mwaka kwa kaya ya watu 6 kwa Huduma za Zahanati, Vituo vya Afya na 75% ya huduma ngazi ya Wilaya.

Huduma muhimu 372 ikiwemo rufaa, magonjwa sugu na usafiri wa gari la Wagonjwa( Ambulance)pamoja na Vifurushi vya ziada ikiwemo cha wanafunzi (Tsh 50,400).

Utambulisho utakuwa ni Kadi ya Bima, Namba ya Kadi au NIDA.

Mkuu wa Wilaya ya Babati Mhe. Emmanuela Mtatifikolo Kaganda amewataka Watendaji wa Kata pamoja na Wenyeviti wa Vijiji na Mitaa kuhakikisha Wananchi wanapata elimu ya kutosha kuhusu Bima ya Afya kwa Wote, ikiwa ni utekelezaji wa maono ya Mhe. Rais wa Jamhuri ya Muungano wa Tanzania, Dkt. Samia Suluhu Hassan.

Pia Mhe.Kaganda ameitaka Halmashauri kushirikisha Wataalamu na Baraza la Madiwani katika zoezi hili.

Elimu tayari imeshaanza kutolewa kwa Watendaji wa Kata, Wenyeviti wa Vijiji na Mitaa pamoja na Wataalamu Halmashauri ya Mji wa Babati huku uzinduzi rasmi wa bima hii ukitarajiwa kufanywa na Rais wa Jamhuri ya Muungano wa Tanzania Mhe.Dkt. Samia Suluhu Hassan.