Walimu wapewe Tuzo za Ufundishaji bora katika Halmashauri ya Mji wa Babati.

Imechapishwa: December 3rd, 2025

Walimu kutoka Shule 22 za Halmashauri ya Mji Babati zilizofanya vizuri kwa miaka mitatu mfululizo wapewa tuzo za ufundishaji bora .

Walimu hao wamekabidhidhiwa tuzo hizo zilizoandaliwa na Mkurugenzi wa Halmashauri ya Mji Babati kwa kushirikiana na wadau mbalimbali na kukabidhiwa na Mgeni rasmi ambaye ni Mbunge wa Jimbo la Babati Mjini Mhe.Emmanuel Khambay katika Uwanja wa Tanzanite Kwaraa.

Akihutubia katika hadhira hiyo Mhe. Khambay ameupongeza Uongozi wa Halmashauri ya Mji Babati kwa kusimamia vizuri Idara ya Elimu Sekondari na kupelekea kushika nafasi ya 4 Kitaifa kwa Halmashauri zote Nchini kwa mwaka 2024.

Aidha amewataka Walimu kukamilisha silabasi mapema ili wapate muda wa kufanya marudio kwa ufaulu mzuri. Pia ameahidi kuwezesha upatikanaji wa mashine ya kudurufu yenye uwezo mkubwa itakayosaidia uchapishaji wa mitihani ya kila mwezi kwa Shule za Msingi na Sekondari.

Vile vile amewaasa Wananchi kulinda Amani na utulivu kwa kuwa ni Tunu ya Taifa na Msingi wa Maendeleo.

Awali Akisoma taarifa mbele ya Mgeni rasmi Mratibu Elimu Kata ya Maisaka Bw. Muna Siai ameeleza Tuzo hizo zinatolewa kwa Shule zilizofanya vizuri kwa miaka mitatu mfululuizo yaani positive mobility. Pia Tuzo za Walimu waliofanya vizuri kwa daraja A, B na C