Walimu wa Shule za Msingi na Sekondari wapewa mafunzo ya chanjo ya saratani ya mlango wa kizazi.

Imechapishwa: June 3rd, 2025

Mafunzo kwa Walimu wa Shule za Msingi na Sekondari.

Walimu takribani 71 wa Shule za Msingi na Sekondari Halmashauri ya Mji Babati wamepewa mafunzo kuhusiana na chanjo ya saratani ya mlango wa kizazi,muongozo wa uanzishaji na uendeshaji wa klabu za Afya na lishe,Afya ya mazingira na ya uzazi kwa vijana balehe katika Ukumbi wa Babati Bay.

Dkt Andrew Methew Mganga Mkuu Wa Mkoa Manyara amesema kuwa mfumo shirikishi utaleta matokeo chanya katika kutekeleza Afua hii kwa kutoa chanjo ya mlango wa kizazi ambayo ina uwezo wa kuzuia takribani 90% na chanjo hiyo ni salama.

Pia amewapongeza Walimu juu ya utoaji wa Elimu ya lishe Shuleni kwa Halmashauri ya Mji Babati ipo vizuri na amesisitiza Walimu kuwaelimisha Wanafunzi kuhusu ukeketaji na madhara yake kwa ujumla.

Walimu wanamchango mkubwa katika kutekeleza Afua za afya katika jamii kwa kuwa wanatumia muda mrefu katika kukaa na watoto shuleni.

Uwepo wa klub za Afya katika Shule zinasaidia Wanafunzi kueleza changamoto wanazokabiliana nazo pamoja na kutoa Elimu ya Usafi wa Mazingira na Usafi binafsi.