Muendelezo wa Ziara ya Mkurugenzi wa Halmashauri ya Mji Babati Kata kwa Kata katika Halmashauri.

Imechapishwa: June 23rd, 2025

Mkurugenzi wa Halmashauri ya Mji Babati CPA.Shaaban Mpendu amefanya ziara leo tarehe 23/6/2025 katika Kata ya Mutuka kwa lengo la kueleza mafanikio yaliyopatikana chini ya Uongozi wa Serikali ya Awamu ya sita ya Rais Dkt.Samia Suluhu Hassan.

Akieleza mafanikio hayo wakati akizungumza na Wananchi CPA.Mpendu amesema kutoka mwaka 2021 hadi 2025 , Serikali ya awamu ya sita imetoa kiasi cha billioni 1.72 katika Kata ya Mutuka kwa ajili ya utekelezaji wa miradi ya maendeleo katika sekta ya elimu,afya,kilimo na mifugo pamoja na mikopo ya 10% inayotolewa na Halmashauri.

"Kabla ya uongozi wa awamu ya sita kulikuwa na Zahanati moja sasa kuna Kituo Cha Afya chenye Watumishi wa kutosha na Vifaa tiba," ameeleza.

Aidha kwa upande wao Wananchi wa Kata ya Mutuka wameipongeza Serikali ya awamu ya sita kwa kutoa fedha hizo kwaajili ya kutekeleza miradi ya maendeleo katika Kata yao ambayo imerahisisha upatikanaji wa huduma kwa jamii na kupunguza changamoto mbalimbali.

Sambamba na hilo ametembelea Miradi inayotekelezwa na mashirika, wadau wa Maendeleo mkono kwa mkono ( hand in hand )na Taasisi ya Mikuyu Tanzania katika Kata ya Mutuka na kuahidi kushirikiana bega kwa bega katika kuwaletea Maendeleo Wananchi.