"Pongezi Uongozi na kamati ya ujenzi Shule ya Msingi Kwaangw' kwa usimamizi mzuri wa Mradi"

Imechapishwa: November 21st, 2025

Mkuu wa Wilaya ya Babati Mhe. Emmanuela Kaganda pamoja na Kamati ya Ulinzi na Usalama wamepongeza Uongozi na Kamati ya Ujenzi Shule ya Msingi Kwaangw' kwa usimamizi mzuri wa Fedha za ukarabati wa miundombinu pamoja na utendaji kazi wa mafundi .

Ukarabati wa miundombinu ya Shule umegharimu Shilingi Milioni 201 ambazo zinatumika kukarabati madarasa 7,Ofisi za Walimu 2, vyoo matundu13 na madarasa 10 ambayo yanafanyiwa ukarabati.

Akisoma taarifa ya Mradi Mwalimu Mkuu Bw. Iddi Maj ameeleza kuwa wamejipanga vizuri kusimamia Fedha pia wamefanya Bajeti mradi utakapokamilika.

Mhe. Kaganda ameutaka Uongozi Shuleni hapo kuongeza idadi ya Mafundi ili kukamilisha mradi kwa muda uliokusudiwa.

Aidha ametoa wito kwa Wataalam maeneo mengine kuiga mfano kwa Shule ya Kwaangw' katika usimamizi wa Miradi ya maendeleo.

Pia amesisitiza Utunzaji wa miundombinu hiyo pamoja na kuongeza Ulinzi na usalama wa Vifaa ili kukamilisha zoezi la uboreshaji Shuleni hapo.

Mradi wa Ukarabati wa miundombinu Shule ya Kwaangw' upo Hatua ya upigaji lipu na kuweka madirisha.