Mhe.Emmanuela ametembelea miradi ya maendeleo Halmashauri ya Mji wa Babati

Imechapishwa: November 21st, 2025

Mkuu wa Wilaya ya Babati Mhe.Kaganda ametembelea mradi wa Shule mpya ya Sekondari Wang'waray uliyogharimu Takribani Shilingi Millioni 584.

Mradi wa Shule mpya ya Wang'waray umejumuisha ujenzi wa madarasa 8, jengo moja la Utawala, maktaba, vyoo,Jengo la Tehama, Maabara ya Biolojia na Kemia.

Katika Ziara hiyo Mkuu wa Wilaya Mhe.Kaganda ameagiza Uongozi wa Shule ya Sekondari Wang'waray kusimamia na kutunza mazingira pamoja na miundombinu ya Shule na kufanya usafi siku zote ili kuepukana na magonjwa ya mlipuko.

Aidha amewaasa Wanafunzi kuepuka kujiunga na makundi mabaya na hatarishi wanapokuwa likizo na badala yake wawe wazalendo katika Nchi ili waweze kutimiza ndoto zao.

Sambamba na hilo amewataka Watumishi kufanya kazi kwa kuheshimiana na kujaliana kwakuwa wanatumia muda mwingi wakiwa kazini na si majumbani.