Mkurugenzi wa Halmashauri ya Mji wa Babati ameendelea na ziara ya Kata kwa Kata

Imechapishwa: June 30th, 2025

Ziara ya Mkurugenzi Wa Halmashauri ya Mji Babati kueleza mafanikio ya Serikali ya awamu ya sita na kutatua kero za Wananchi Kata ya Sigino.

CPA. Shaaban Mpendu katika ziara ya kikazi Kata ya Sigino ameeleza kuwa jumla ya shilingi bilioni 2.5 zimepelekwa kwenye Kata hiyo katika kutekeleza miradi ya maendeleo ikiwemo ya Afya, elimu, kilimo, mifugo,kunusuru kaya masikini na kutoa mikopo ya wanawake vijana na wenye ulemavu.

"Pia kumekuwa na ongezeko la watumishi, vitabu katika shule, vifaa tiba katika zahanati vituo vya afya, ongezeko la utoaji wa mbolea ya ruzuku pamoja na sumu ya kuua wadudu waharibifu." Ameeleza Mpendu.

Aidha amewataka wananchi wa Sigino kuchangamkia mikopo ya Halmashauri ili kuinuka kiuchumi .

Amefafauna zaidi kuwa takribani shilingi milioni 215,714,000/= kutoka mfuko wa Maendeleo TASAF imewanufaisha kaya 250tofauti na Kipindi cha awali ilikuwa ni Mtaa mmoja tu wa Singu .