Mhe.Kololi amepongeza Ukusanyaji wa Mapato katika Halmashauri ya Mji Babati.

Imechapishwa: May 9th, 2025

Mkutano wa Baraza la Madiwani Halmashauri ya Mji Babati umefanyika katika Ukumbi wa Halmashauri ambapo Baraza hilo limeudhuriwa na Madiwani,Wataalam,Watendaji wa Kata,Watumishi,Wananchi pamoja na Viongozi wa Chama na Serikali.

Mwenyekiti wa Halmashauri ya Mji Babati amepongeza juu ya ongezeko la ukusanyaji wa mapato katika Robo hii ya tatu na kuwataka Wataalam kuongeza nguvu zaidi katika suala la mapato ambalo ni muhimili katika uendeshaji wa shughuli mbalimbali za Halmashauri ikiwemo kuchangia miradi ya Maendeleo.

Mhe.Kololi katika Baraza hilo amesisitiza Waheshimiwa Madiwani kuwahamasisha Wananchi kupeleka chakula Shuleni ili Wanafunzi wapate chakula na kuendelea vizuri na masomo yao bila kuwa na changamoto yoyote shuleni.

Pia Mwenyekiti wa Halmashauri Mhe.Abdurahman amemwagiza Mkurugenzi kuhakikisha madeni yote ya nyumba walizopanga Watendaji yalipwe pamoja na viporo vyote vya miradi vikamilike kwa wakati katika Kata zote 8.

Vilevile Mwenyekiti wa Chama cha Mapinduzi Wilaya ya Babati Bi. Elizabeth Malley amesisitiza uwajibikaji na kuwahimiza Wananchi kujitokeza kushiriki katika Uchaguzi Mkuu unaotarajiwa kufanyika oktoba 2025.

Sambamba na hilo Afisa Uchaguzi Jimbo la Babati Mjini Bw.Bashan Kinyunyu amesisitiza Wananchi kujitokeza kwa wingi katika kuhakiki majina katika Daftari la wazi kwa waliojiandikisha katika Daftari la kudumu la wapiga kura awamu ya kwanza katika Vituo vya walivyojiandikisha na kwa wale ambao hawajajiandikisha kujitokeza kujiandikisha kwa Awamu ya pili kuanzia tarehe 16 hadi 22 /05/2025 katika Vitu vilivyopo karibu na makazi yao.