Mhe.Kaganda amesisitiza ufuatiliaji na utoaji wa Elimu ya Lishe katika Shule za Msingi na Sekondari Wilaya ya Babati.

Imechapishwa: October 29th, 2024

Mkuu wa Wilaya ya Babati Mhe.Emmanuella Kaganda amefanya kikao na Kamati ya Lishe ya Wilaya ambapo kimeudhuriwa na Mkurugenzi wa Halmashauri ya Mji wa Babati CPA Shaaban Mpendu,Maafisa Lishe pamoja na Watendaji wa Kata katika Ukumbi wa Halmashauri ya Mji wa Babati.

Mhe.Emmanuella Kaganda amewataka Watendaji wa Kata na Maafisa lishe kusimamia kwa umakini uwepo wa lishe bora kwa watoto na upandaji wa miti ya matunda pamoja na bustani za mboga katika mazingira ya shule.

Aidha Mhe.Kaganda ametoa wito na amesisitiza umuhimu wa kuimarisha lishe bora shuleni kama njia ya kuongeza afya na uwezo wa kujifunza kwa wanafunzi.Na ameongeza kuwa kuwepo wa bustani za mboga na miti ya matunda shuleni kutawezesha watoto kupata lishe yenye virutubisho vya kutosha kwa kuimalisha afya zao na kuendeleza jamii yenye afya bora.

Pia Afisa Lishe wa Halmashauri ya Mji wa Babati, Laurensia Urio, amebainisha kuwa hali ya lishe kwa sasa ni nzuri na ameeleza kuwa mkataba wa lishe unalenga kuhakikisha kuwa lishe bora imezingatiwa na kufuatiliwa kwa ukaribu katika maeneo yote ya Wilaya ya Babati.