MHE. KOLOLI AMESISITIZA LISHE NA USAFI WA MAZINGIRA SHULENI

Imechapishwa: August 10th, 2023

Baraza la Madiwani likiongozwa na Mhe.Abdulrahman H. Kololi Mwenyekiti  wa Halmashauri  ya Mji wa Babati  limekutana leo katika ukumbi  wa Mji wa Babati kujadili mihutasari ya kamati mbalimbali ya robo ya nne ya mwaka 2022/2023.

Mhe. Kololi amesisitiza sana kuhusu lishe,usafi  wa mazingira  na sehemu za kunywa maji  shuleni ni muhimu kuwepo kwa  kila shule za msingi na sekondari  ili kulinda afya za wanafunzi ,walimu na watumishi wengine.  

Aidha Mhe. Rose Muryang  Diwani wa Viti Maalumu Kata ya Singe  ameipongeza Serikali ya awamu ya sita  kwa  kuwezesha  upatikanaji  wa mawasiliano  katika baadhi  ya maeneo  kwenye kata hiyo kwani mawasiliano  yana umuhimu. Vilevile  Baraza limempongeza Mtaalamu  wa Mazingira kuwa usafi ndani ya Halmashauri yetu unazingatiwa na taka zinakusanywa kwa wakati na mwitikio wa wananchi ni mzuri na hakuna taka mitaani.

Vilevile Baraza limetaka  kufahamu idadi kamili ya wanufaika wa TASAF ili kusaidia kujua Halmashauri ina watu wangapi wanawake kwa wanaume wanaonufaika pamoja na changamoto wanazopata wakati wakipatiwa huduma hiyo katika maeneo mbalimbali.

Pia  Baraza hilo limejadili kuhusu kutengeneza vizimba kwa ajili ya samaki wanaokuwa wametoka kuvuliwa ili kuhakikisha afya kwa watumiaji  wa samaki hao na utaratibu wa kukusanya ushuru kwa wavuvi  uendelee.

Mhe. Kololi  Mwenyekiti wa Halmashauri  Mji wa Babati amewapongeza wataalamu wa afya, watendaji wa kata, wataalamu wa maendeleo ya jami, na waratibu wa elimu kata kwa kazi nzuri wanazofanya na kuwasisitiza kuendelea na majukumu hayo kwa weledi zaidi.