Maadhimisho ya Siku ya Afya ya akili : Mhe. Sendiga awataka wananchi kujitokeza kwa Wingi kupima Afya ya akili.

Imechapishwa: October 10th, 2025

Maadhimisho ya Siku ya Afya ya akili : Mhe.Sendiga awataka wananchi kujitokeza kwa Wingi kupima Afya ya akili.

 Mhe.Sendiga ametoa Rai  hiyo wakati akihutubia wananchi kwenye maadhimisho ya siku ya Afya ya akili Duniani yaliyofanyika kitaifa Mkoani Manyara.

Aidha  ameeleza kuwa changamoto ya Afya ya akili husababisha kuongezeka kwa vitendo vya ukatili katika jamii na kuleta madhara makubwa ikiwemo vifo, Hivyo ni muhimu wananchi wapime ili wapate matibabu.

Pia Mhe.Sendiga amemuomba Mkurugenzi wa Milembe kuunda Timu ambayo itazunguka Wilaya zote zilizopo Mkoa wa Manyara ili kuwafikia Wananchi kwa wingi ili waweze kujua Hali zao za Afya ya akili.

Awali akisoma taarifa Mkurugenzi wa Hospitali ya Taifa ya Afya ya akili Milembe Dkt. Paul Lawa Ameeleza kuwa wameweka mipango kuwasaidia waathirika katika majanga mbalimbali kama vile moto,mafuriko pamoja na kuboresha Huduma za Afya ndani ya Halmashauri kwa kuweka Vitengo vya Afya ya akili katika Vituo vya kutolea Huduma.Pamoja na kushirikisha Sekta na Wadau mbalimbali ili kuweza kutafuta ufumbuzi wa changamoto za kukabiliana na Matatizo ya Afya ya akili.

Siku ya Afya ya akili Duniani huazimishwa kila mwaka Oktoba 10/2025.

Sambamba na hilo Mhe.Sendiga ametoa wito kwa Wananchi kujitokeza kupiga kura katika  Uchaguzi Mkuu unaotarajiwa kufanyika  Oktoba29/2025.