Kilele Cha wiki ya Mazingira. yenye kauli mbiu" Mazingira yetu na Tanzania ijayo tuwajibike sasa kudhibiti matumizi ya Plastiki".

Imechapishwa: June 5th, 2025

Kilele Cha wiki ya Mazingira. yenye kauli mbiu" Mazingira yetu na Tanzania ijayo tuwajibike sasa kudhibiti matumizi ya Plastiki"

Wanakikundi wajasiriamali na wakulima wa mbogamboga na matunda wa Mtaa wa Kwere Kata ya Babati wapanda miti ya matunda kwa ajili ya kuhifadhi mazingira.

Mkuu wa Wilaya ya Babati Mhe. Emmanuela Kaganda amewaongoza wanakikundi hao wanaofadhiliwa naTaasisi ya Mkono kwa mkono(hand to hand) kupanda miti.

Mhe.Kaganda amewataka wanakikundi hao na wananchi kwa ujumla kuwa mabalozi katika kutunza mazingira pamoja na kuhakikisha Plastiki zinakusanywa kwenye maeneo yote kwa kuwa zinatoa kemikali sumu na kuharibu vinasaba vya udongo.

" Wataalamu undeni Vikundi vya Mazingira kwa wingi kwa ajili ya kutunza mazingira pamoja na kuteketeza

Mimea vamizi inayoweza athiri rutuba ya udongo na kuathiri upatikanaji wa chakula" ameeleza.

Aidha amewataka wananchi kuacha kukata miti ya asili bila kibali kutoka Ofisi ya Mkuu wa Wilaya kwa kuwa vitendo hivyo husababisha ukame na mabadiliko ya Hali ya hewa pia amewataka kila mmoja achukue hatua ili kulinda mazingira yetu.

Sambamba na hilo ameeleza kuwa Serikali inawajali wananchi wake kwa kuwa imewezesha upatikanaji wa Vifaa kama pawatila kwa wakulima wa mpunga,trekta na Mashine za kuvuna Mpunga (combining harvestor) zitazotolewa hivi karibuni.