Baraza maalum la Hoja Halmashauri ya Mji wa Babati.

Imechapishwa: May 27th, 2025

Baraza Maalum la hoja limefanyika katika Ukumbi wa Halmashauri wa Mji Babati ambapo limeudhuriwa na Mkuu wa Mkoa wa Manyara Mhe.Queen Sendiga,Mwenyekiti wa Halmashauri ya Mji wa Babati Mhe.Abdulrahman Kololi,Mkurugenzi wa Halmashauri ya Mji Babati Bw.Shaaban Mpendu,Viongozi wa Chama na Serikali pamoja na Watumishi kutoka Ofisi ya Mkuu wa Mkoa na Halmashauri ya Mji Babati.

Akifungua Baraza la Maalum la hoja Mhe. Sendiga ameeleza kuwa uwepo wa Baraza hilo ni muhimu kwa kuwa linatoa nafasi ya kupitia na kukagua namna matumizi na manunuzi ya Serikali yamefanyika kwa kuzingatia Sheria na taratibu za manunuzi.

Aidha amempongeza Mkurugenzi wa Halmashauri ya Mji kwa kupata hati safi kwa mwaka 2023/2024 kutoka kwa Mkaguzi Mkuu wa hesabu za Serikali.

Pia Mhe.Sendiga amesisitiza kuendelea kufanya kazi kwa uadilifu ili kupunguza hoja,hata hivyo baadhi ya hoja zimefungwa vilevile amewataka

Wataalamu kushughulikia mapema hoja zinazohusu Fedha ili zifungwe mapema.

Pamoja na hayo ametoa angalizo kwa Viongozi wa kisiasa kukaa mbali na shughuli za Maendeleo zinazotekelezwa na Serikali kwa Wavamizi wa maeneo ya Serikali waachie maeneo hayo mara moja kwa kuwa Sheria zitachukuliwa dhidi yao. Ameeleza

Amezungumzia Fedha ya Mfuko wa Jimbo kuwa sio mali ya Mbunge ni Mali ya Serikali hivyo inapaswa kufuata na kuzingatia utaratibu katika kutekeleza Miradi ya Maendeleo ili kuepuka ukiukwaji wa utaratibu wa manunuzi.

Aidha amesisitiza kuzingatia maelekezo yanayotolewa na Ofisi ya Rais tawala za Mikoa na Serikali za Mitaa kuwa watumishi wanaosababisha hoja kuchukuliwa hatua.

Akieleza mbele ya Mkuu wa Mkoa, mwekahazina wa Halmashauri ya Babati Mji ameeleza kuwa hoja mbali mbali zimefanyiwa kazi na kwa chache zilizobaki ufuatiliaji unaendelea ili kuzimaliza.

Sambamba na hilo ameagiza kuwa wadaiwa wote wanatakiwa kuandikiwa barua maalumu (commitment letter) inayoonesha mpango wa malipo na kuyakamilisha malipo hayo kabla ya mwezi Juni 2025.