Mhe.Sendiga ameweka Jiwe la Msingi katika jengo la Elimu ya Watu wazima.

Imechapishwa: September 2nd, 2025

Mkuu wa Mkoa wa Manyara Mhe. Queen Sendiga amekagua na kuweka jiwe la msingi jengo la Utawala na karakana ya Elimu ya watu wazima ambalo linatarajiwa kukamilika ifikapo Novemba 2025.

Mhe.sendiga amesema kuwa Serikali ya Awamu ya Sita imetenga fedha hizo kutengeneza mazingira rafiki ya watu wazima kujisomea kwa muda wanaoutaka.

Pia amesisitiza kuwa mpango wa Serikali ni kuhakikisha idadi ya watu wasiojua kusoma inapungua kwa kuleta miradi hii ya elimu ya watu wazima na kutoa fursa kwa vijana waliokatisha masomo kwa sababu mbalimbali ili waweze kutimiza ndoto zao.

Sambamba na hilo Mhe.Sendiga amewataka Wananchi kujitokeza kwa wingi kushiriki kupiga kura ifikapo Oktoba 2025 kwa amani na utulivu.