Mhe.Sendiga ameetendelea na ziara ya kusikiiza kero za Wananchi na kukagua miradi ya Maendeleo.

Imechapishwa: December 11th, 2025

Mkuu wa Mkoa wa Manyara Queen Sendiga ameendelea na ziara yake ya Kata kwa Kata katika Halmashauri ya Mji Babati yenye lengo la kukagua miradi mbalimbali ya maendeleo pamoja kusikiliza na kutatua kero za Wananchi.

Mhe.Sendiga amesema Huduma ya Afya katika Wilaya ya Babati ni nzuri takribani Milioni 680 zimetengwa kwa ajili ya afya Wilaya ya Babati ikiwa ni pamoja na miundombinu na vifaa tiba.

Pia ameagiza kujengwa kwa Kituo cha Afya katika kijiji hicho,kuboresha huduma kutokana na ongezeko la Wanachi pamoja na gari la Wagonjwa.

Pia ameigiza Mamlaka ya Maji Babati (Bawasa) kuchimba kisima cha maji na ameitaka Bawasa kutafuta mkandarasi ifikapo mwisho wa mwezi Januari hatua mbalimbali za uchimbaji wa kisima hicho imefikiwa na maji yanapatikana katika Kijiji cha Managha.

Vilevile amemuagiza Mkurugenzi wa Halmashauri ya Mji wa Babati kuhakikisha Wenyeviti wa Mitaa na Vijiji wanapatiwa posho kwa wakati.

Aidha Mhe.Queen Sendiga amesema kuwa Bweni litajengwa katika Shule ya Sekondari Nangara ili kuwasaidia Wanafunzi kusoma kwa bidii na kuongeza ufaulu zaidi.

Pia suala la Maji amesema kuwa Mkoa wa Manyara umetengewa takribani Shilingi Bilioni 10.4 ili Wananchi wapate maji na kuendeleza shughuli zao za kila siku.

Takribani Bilioni 2.2 kwa ajili ya Barabara katika Mkoa wa Manyara zimetengwa ili kusaidia shughuli za kila za Wananchi katika Maendeleo.