Mhe.Queen amehitimisha ziara ya kukagua miradi na kusikiiza kero za Wananchi katika Halmashauri ya Mji wa Babati

Imechapishwa: December 12th, 2025

Mkuu wa Mkoa wa Manyara Mhe.Queen Sendiga ameendelea na Ziara yake katika Kata ya Babati na Bagara Halmashauri ya Mji wa Babati.

Ziara hiyo ya Mhe.Sendiga lengo ni kukagua miradi ya Maendeleo katika Halmashauri ya Mji wa Babati kusikiliza na kutatua kero za Wananchi kwa ujumla.

Mhe.Sendiga amesisitiza Ujenzi wa Nyumba za kisasa na sehemu nzuri zaidi ya kiabishara ili kuvutia Watalii wakati wa Utalii hifadhi ya Tarangile.

Aidha amesisitiza kuhusu eneo la mipaka kuwa litashughulikiwa ili kuondoka changamoto za eneo la Kiutawala kiutaratibu.

Pia amewataka kushirikishana katika Shughuli zinazofanywa na Halmashauri na Kitengo cha Mipango Miji na Taasisi za Maji,Umeme pamoja na Barabara.

Vilevile Mhe.Queen amemuagiza Mkuu wa Wilaya ya Babati kuhakikisha Kituo cha Polisi kinajengwa ili kudumisha Usalama wa Wananchi na Wanafunzi kwa ujumla.

Mhe.Sendiga ametaka ifikapo muda wa kufunguliwa Shule Maabara iwe imekamilika katika Shule ya Sekondari Wang'waray ili Wanafunzi wa Sayansi waweze kusoma masomo hayo bila changamoto.

Pia amewataka Wazazi kuzungumza na Watoto na kuwatengenezea mbinu za kujiaami katika Mazingira yao wanaoishi katika jamii.

Sambamba na hilo Mhe.Queen Sendiga amepongeza Uongozi wa Halmashauri ya Mji wa Babati kwa ufuatiliaji na Usimamizi mzuri wa Miradi ya Maendeleo.