Mhe.Kaganda amesisitiza Usalama wa Chakula Shuleni.

Imechapishwa: December 8th, 2025

Maafisa Afya na Lishe Halmashauri ya Mji Babati watakiwa kusimamia Usalama wa chakula Mashuleni ili kulinda Afya za Wanafunzi.

Hayo yameelezwa na Mkuu wa Wilaya ya Babati Mhe. Emmanuela Kaganda wakati wa kikao cha lishe cha robo ya pili.

Aidha amewataka kuhakikisha Mashine za kuongeza virutubishi kwenye vyakula zinapatikana ili kuongeza virutubishi hivyo kwa watoto.

Bi.Laurencia Peter Urio,Afisa Lishe ameeleza kuwa wanaendelea kusisitiza Wazazi kuwapeleka Watoto kliniki mpaka umri wa mwisho ambao ni miaka 5 ili watoto waendelee kupata Kinga na dawa zitakowasaidia katika makuzi yao.

Mhe. Kaganda amewataka pia Wataalam waende kukagua Bwawa la Maisaka Katani na kuangalia namna ya kufuga samaki na kulima mbogamboga au kukodisha kwa Watu binafsi ili Halmashauri iweze kuongeza mapato..

Vilevile amepongeza Ufugaji wa Samaki katika Kisima cha Mungu kurejea na amewataka Wataalam kuendelea kusimamia vizuri ikiwa ni pamoja na kutoa Elimu zaidi kwa Wananchi na Wafugaji ili kukuza mapato kwa Wananchi na Kijiji kwa ujumla.