Mashindano ya SHIMISEMITA 2025 yamefungwa rasmi Jijini Tanga .

Imechapishwa: August 29th, 2025

Mkuu wa Mkoa wa Tanga Mhe. Balozi. DKt Batilda Buriani amewataka Wanamichezo kuwahamasisha Wananchi kujitokeza Kupiga Kura ifikapo Oktoba 29,2025.

‎Wanamichezo wametakiwa kutekeleza kwa vitendo kauli Mbiu ya Mashindano ya Shirikisho la Michezo Serikali za Mitaa Tanzania (SHIMISEMITA) ambayo yametamatika Jijini Tanga inayosema“Jitokeze Kupiga Kura kwa Maendeleo ya Michezo "kwa kuhakikisha wanajitokeza kushiriki kupiga Kura tarehe 29 Oktoba 2025 pamoja na kuwahamasisha Wananchi kujitokeza kupiga Kura.

Mhe. Buriani akifunga Mashindano ya 40 ya Shirikisho la Michezo ya Serikali za Mitaa Tanzania (SHIMISEMITA) amewataka  Wanamichezo  kuhakikisha wanahamasisha jamii kupitia Michezo kujitokeza kupiga Kura ifikapo tarehe 29 Oktoba 2025.

‎"Tumieni Michezo kuhamasisha Umma kujitokeza Kushiriki kupiga Kura Tarehe 29 Oktoba,2025".Alisema na kuongeza kuwa "Michezo hii ni moja ya fursa za kutangaza Halmashauri kwa Wananchi, kutambua ziko wapi na pia Watumishi kufahamiana kupitia Michezo".

Pia ameongeza kuwa ‎Jumla ya Halmashauri 150 kati ya 184 zimeshiriki Mashindano hayo ya SHIMISEMITA Jijini Tanga ambapo washiriki ni 3504 kati yao Wanaume 2114 na Wanawake 1390 wamecheza Michezo mbalimbali ikiwemo Mpira wa Miguu,Mpira Wa Pete,Kamba ,Riadha, draft karata,singeli,kwaya nk.