Ukweli kuhusu chanjo ya kukinga Saratani ya Mlango wa Kizazi.

Imechapishwa: April 24th, 2021

Na Nyeneu, P. R

Saratani ya shingo ya kizazi ni saratani ambayo hutokea kwenye shingo ya kizazi cha mwanamke - ambayo ni kiingilio kutoka uke hadi katika mfuko wa uzazi.

Ni moja kati ya zaidi ya aina 100 ya virusi vya human papilloma (HPV), ambavyo 13 vinasababisha saratani. Pia aina fulani ya HPV vinaambukizwa kwa njia ya ngono.

Baadhi ya sababu za kupata ugonjwa huo ni kushiriki ngono ukiwa na umri mdogo, ukifanya ngono na washiriki wengi , kuvuta sigara na kuwa na virusi vya Ukimwi.

Dalili ni

• kupata hedhi kwa mzunguko usio wa kawaida au kutoka damu baada ya kujamiana
• maumivu ya mgongo, mguu na fupanyonga
• uchovu, kupungua kwa uzito na kutokuwa na hamu ya kula
• maumivu kwenye uke au kutoa harufu mbaya
• kuvimba kwa mguu mmoja

Uchunguzi wa virusi hivyo unastahili kufanyika ili kuvigundua mapema. Chanjo za HPV ni hatua nyingine ya kuziuzi.

Matibabu kwa wagonjwa walio na virusi hivyo yanategemea na viwango vya virusi hivyo mwilini, hata hivyo yanaweza hitaji kutibiwa kwa njia ya upasuaji na kutoa sehemu au mfuko wa uzazi mzima au kutumia miyonzi.

Chanzo: Shirika la Afya duniani

Aidha, Halmashauri ya Mji wa Babati kupitia Idara ya Afya kitengo cha Afya Kinga (Chanjo) inaendelea kutekeleza maagizo kutoka Wizara ya Afya, Maendeleo ya Jamii, Jinsia, Wazee na Wototo kuhusu utoaji wa chanjo hiyo kwa wasichana wenye umri wa miaka kumi na Nne (14) na chanjo hii hutolewa kila mwaka. Wasichana wote waliofikia umri wa Miaka 14 huchanjwa chanjo mara mbili, dozi ya kwanza hutolewa anapofikia umri wa miaka 14 na dozi ya pili hutolewa kwa msichana baada ya miezi sita toka dozi ya kwanza. Zoezi hili linaongozwa na Idara ya Afya chini ya John Faustine (Mratibu wa Chanjo Halmashauri ya Mji Babati) na Beatrice Mlay (Mratibu Msaidizi wa chanjo)

Mratibu wa Chanjo Halmashauri wa Mji wa Babati Bw. John Faustine alieza ukweli wa chanjo hii ambayo watu wengi wamekuwa wakiitafsiri kwa Namna tofauti tofauti. 

Ukweli kuhusu Saratani ya Mlango wa Kizazi:-

1. Chanjo ya HPV inakinga maambukizi ya virusi vya HPV vinavyosababisha saratani ya mlango wa kizazi
2. Saratani ya mlango wa kizazi inaongoza kwa kuua wanawake nchini Tanzania
3. Chanjo ya HPV inatolewa mara mbili ili kupata kinga kamili
4. Chanjo hii hutolewa bila malipo

Chanzo: Wizara ya Afya, Maendeleo ya Jamii, Jinsia, Wazee na Wototo.

Hadi kufikia Tarehe 24 Mwezi April 2021 Timu imefanikiwa kuchanja wanafunzi 620 kati ya walengwa 1572 katika shule 31 kati ya shule 52 zilizopo Halmashauri ya Mji.

Picha zote na Nyeneu, P. R