Mhe.Kaganda amesikiliza kero za Wananchi katika Viwanja vya Stendi ya zamani Babati Mjini.

Imechapishwa: September 16th, 2025

Mkuu wa Wilaya ya Babati Mhe. Emmanuela Kaganda awaasa Wananchi kufuata Sheria za Nchi, kuacha dhuluma na kutimiza wajibu.

Hayo ameyasema katika kliniki maalumu ya kusikiliza na kutatua kero mbalimbali za Wananchi katika Viwanja vya Stendi ya Zamani Halmashauri ya Mji wa Babati.

Wakazi wa Babati wamejitokeza kwa wingi kutoa kero zao zikiwemo migogoro ya Ardhi, Mirathi, na Kesi mbalimbali.

Aidha Mhe. Kaganda amezitaka Mamlaka husika kushughulikia kero zilizowasilishwa na Wananchi haraka kwa kutenda haki ikiwa ni pamoja na kutoa mrejesho katika Ofisi ya Mkuu wa Wilaya.Pia amesisitiza uwajibikaji katika Vituo vya kazi ili kupunguza migogoro.

"Hakuna mwananchi ambaye yupo juu ya Sheria inatakiwa kutii Sheria ili tuishi kwa Upendo na Amani."ameeleza Kaganda.

Sambamba na hilo amewataka Wananchi kujitokeza kwa wingi kushiriki katika Uchaguzi Mkuu unaotarajia kufanyika tarehe 29/10/2025.

Kliniki maalumu ya kusikiliza na kutatua kero za Wananchi inafanyika tarehe 16-17/09 / 2025.