Kampeni ya Mtu ni Afya imeanza Mkoa wa Manyara katika Halmashauri ya Mji wa Babati.

Imechapishwa: January 31st, 2025

Kampeni ya mtu ni Afya imeanza Mkoa wa Manyara katika Wilaya ya Babati Halmashauri ya Mji wa Babati.

Kampeni yenye kauli mbiu "Mtu ni Afya fanya kweli usibaki nyuma" imefanyika katika viwanja vya Motel Papaa Kata ya Bagara.

Balozi wa Kampeni Bw. Mrisho Mpoto ameeleza kuwa umuhimu wa kampeni hiyo ni Chachu katika kusaidia kupungua kwa magonjwa ya Mlipuko na Mangojwa yasiyoambukiza na kuwa wamepanga kuzifikia Wilaya zote za Mkoa wa Manyara kwa muda wa siku 17.

Vile vile katika kampeni hiyo Michezo mbali mbali imefanyika na Wananchi wameshiriki kikamilifu, pia washindi wamepata zawadi mbali mbali.

Wananchi wamepata Elimu mbalimbali za Afua za Afya zikiwemo matumizi ya Vyoo bora, Usafi wa mazingira, Hedhi salama, matumizi ya Nishati safi ya kupikia,mazoezi pamoja na kuzingatia Lishe Bora.