Wazazi na walezi wamehimizwa kuzingatia malezi bora kwa watoto.

Imechapishwa: March 20th, 2025

Wazazi na walezi wamehimizwa kuzingatia malezi bora kwa watoto.

Hayo yameelezwa na Afisa Maendeleo ya jamii wa Halmashauri ya Mji wa Babati Bw. Benjamin Richard wakati akiwasilisha ripoti ya utafiti ya ufuatiliaji wa malezi na makuzi ya watoto kwa marafiki wa Elimu iliyoandaliwa na Haki Elimu na imefanyika katika Ukumbi wa White Rose.

Aidha ameeleza kuwa jamii inapaswa kuhakikisha usalama wa watoto hauhatarishwi wanapokuwa nyumbani na wanapokuwa njiani kuelekea Shule ili waweze kupata haki yao ya Elimu na kufikia malengo yao.

Hata hivyo ameeleza kuwa Kati ya watu 168 waliohojiwa asilimia 97.7 wamekiri kuwa wazazi hawapati muda wa kukaa na kucheza na watoto kutokana na changamoto mbalimbali za maisha hali inayopelekea watoto kutokuwa karibu na wazazi wao.

Daktari Gilliard lupembe ni Mganga Mfawidhi hospitali ya Mji wa Babati ameeleza kuwa malezi ya watoto huanza tangu mama anapokuwa mjamzito hasa kipindi cha miezi mitatu ya mwanzo.

Pia ameeleza kuwa mama mjamzito anapaswa kuzingatia lishe bora kwa ajili ya kujenga ubongo imara wa mtoto ili iwe rahisi kufundishika anapokuwa shuleni.

Pia ameeleza kuwa ni manufaa kwa Taifa kwa kuwa watapatikana watoto imara kwa Maendeleo endelevu ya Taifa.