SHIMISEMITA yazinduliwa rasmi Jijini Tanga

Imechapishwa: August 23rd, 2025

Mashindano ya Shirikisho la Michezo Serikali za Mitaa(SHIMISEMITA)2025 yamezinduliwa rasmi katika Viwanja vya Mkwakwani Jijini Tanga.

Akizungumza katika ufunguzi Naibu Waziri wa TAMISEMI Mhe.Zainab Katimba ameagiza Mamlaka za Tawala za Mikoa na Serikali za Mitaa(TAMISEMI) kutenga bajeti ya kutosha ili kuwezesha Watumishi kushiriki katika mashindano ya SHIMISEMITA.

Aidha ameongeza kuwa michezo husaidia kuondoa msongo wa mawazo, kubadirishana Mawazo miongoni mwa Watumishi na kuleta Afya.

Pia amewataka wananchi kujitokeza kwa wingi kupiga kura ifikapo Oktoba 29 ili wachague Viongozi bora na waadilifu.

Sambamba na hilo amezitaka Halmashauri ambazo hazijashiriki kuleta wanamichezo kabla Mashindano hayajatamatika na kuwasihi watumishi kuendelea na mazoezi kwa ajili ya kujenga Afya.

Vilevile Mkuu wa Mkoa wa Tanga Mhe.Balozi Dkt. Batilda Buriani ameeleza kuwa jumla ya Halmashauri 150 zimeshiriki katika mashindano ya SHIMISEMITA 2025 yanayohusisha zaidi ya michezo 15 ikiwemo mpira wa Pete, soka na kikapu amesisitiza kuwa michezo  imeleta chachu katika mzunguko wa Biashara Jiji la Tanga.