Mkurugenzi wa Halmashauri ya Mji Babati amefanya ziara katika Kata ya Bonga.

Imechapishwa: June 20th, 2025

Ziara ya kikazi Mkurugenzi Halmashauri ya Mji Babati Kata ya Bonga.

Mkurugenzi wa Halmashauri ya Mji Babati CPA.Shaaban Mpendu amefanya ziara ya kikazi katika Kata ya Bonga kuzungumza na Wananchi juu ya Miradi iliyotekelezwa na Serikali ya Awamu ya sita katika Kata ya Bonga.

Jumla ya Shilingi billioni 2,166,725,784 zimetolewa na Serikali katika Kata ya Bonga kwa Kipindi Cha mwaka 2021 hadi 2025.

Fedha ambazo zimeenda kuboresha Elimu, vituo vya Afya na kupelekea upatikanaji wa huduma za afya kufikia 96%,uboreshaji wa shughuli za kilimo na mifugo kwa utoaji wa mbolea za ruzuku pamoja na kuboresha mazingira ya Biashara ikiwa ni pamoja kujenga Gulio na soko katika Kijiji Cha Hala,pia uboreshaji wa Ofisi za Mitaa kwa ajili ya kutoa huduma kwa wananchi ameeleza.

Aidha ameeleza Maendeleo yamepatikana katika kuwezesha Vikundi vya Wanawake na Vijana kwa kutoa mikopo ya 10% Kata ya Bonga.

Pia amemshukuru Mhe.Dkt.Samia Suluhu Hassan Rais wa Jamhuri ya Muungano wa Tanzania kwa kuleta pesa nyingi kwa Kipindi hiki Cha miaka minne na kupelekea Maendeleo Kata ya Bonga.

Sambamba na hilo Wananchi wa Bonga wameweza kutoa changamoto mbalimbali na kupatiwa ufafanuzi kutoka kwa wataalam wa Halmashauri ya Mji Babati.