Karibuni watumishi wa Halmashauri ya Wilaya ya Chamwino - DC Twange

Imechapishwa: November 28th, 2020

Mheshimiwa Mkuu wa Wilaya ya Babati Bw Lazaro Jacob Twange leo tarehe 28 Mwezi Novemba 2020 amefungua Bonanza la Michezo kati ya watumishi kutoka Halmashauri ya Wilaya ya Chamwino na wenyeji watumishi wa Halmashauri ya Mji wa Babati. Katika bonanza hilo, mheshimiwa mkuu wa Wilaya baada ya kuwakaribisha wageni, amewasisitiza washiriki wote wa michezo kuzingatia maadili ya michezo, kwani michezo ni Burudani na si vita. 

(Picha na Nyeneu, P. R: Wachezaji wa timu ya watumishi kutoka Halmashauri ya Wilaya ya Chamwino katika picha ya pamoja)

Sambamba na hilo, kikosi cha watumishi kutoka Halmashauri ya Wilaya ya Chamwino kimeambatana na Afisa michezo Bw. Achimpota, Afisa Habari Bw. Brian Machange, Afisa mapato Bw Mazige na wachezaji kedekede wakiwemo wa Mchezo unaoitwa Wood Ball. 

(Picha na Nyeneu, P. R: Wachezaji wa miguu wa timu ya watumishi kutoka Halmashauri ya mji wa Babati katika picha ya pamoja).