Halmashauri ya Mji wa Babati imetembelewa na Maafisa kutoka Skuli ya Bububu Zanzibar

Imechapishwa: June 23rd, 2025

Halmashauri ya Mji Babati imetembelewa na Maafisa  kutoka Tc Bububu,Skuli za Maandalizi Msingi za Bububu pamoja na Trc za Shule za Msingi na Sekondari Kutoka Zanzibar -Unguja.

Ziara hiyo imetembelea Shule ya Sekondari Bagara,Babati Day pamoja na Shule za Msingi Kwaang'w,Maisaka na Kiongozi.

Lengo kuangalia mbinu na namna Bora za ufundishaji unaopelekea ufaulu mzuri kwa Wanafunzi kwa ujumla pamoja na kuangalia mazingira ya Shule katika Halmashauri ya Mji Babati.

Mwalimu wa Taaluma Shule ya Sekondari Bagara Bw.Mahamood Boa ameelezea mbinu mbalimbali zinazopelekea ufaulu kwa Wanafunzi ni ushirikiano katika ya Wanafunzi,Wazazi pamoja na Walimu na kudhibiti nidhamu kwa wanafunzi.

Ameongeza kuwa motisha kwa Wanafunzi na Walimu huongeza chachu na hupelekea matokeo mazuri katika mitihani kwa Wanafunzi.

Aidha ameongeza kuwa mikakati ya kila mwaka au malengo huleta ufanisi zaidi katika ufundishaji na kupata matokeo mazuri zaidi.

Vilevile Mkuu wa Shule ya Bagara Sekondari Bw. Emanuel Dahaye ameeleza kuwa kuweka malengo makubwa ni vizuri zaidi pamoja na kuwa na uwazi na ukweli katika kutekeleza majukumu kama Mwalimu.

Sambamba na hilo Maafisa kutoka Skuli ya Bububu wamepata wasaa wa kushukuru na kupongeza mbinu mbalimbali zinazotumika na kuahidi kuzifanyia kazi mara watakaporejea katika Vituo vyao vya kazi.